Qurbylarymen demalýǵa barǵan
Aqmola oblysynda sýǵa ketken boıjetkenniń denesi bes kúnnen soń tabyldy, dep habarlaıdy Almaty-akshamy.kz.
«Aqmolalyq qutqarýshylar bes kún buryn Astana sý qoımasynda sýǵa batyp ketken 27 jastaǵy boıjetkenniń denesin tapty. İzdestirý jumystaryna quramynda 10 adam, izdeý ıti jáne eki motorly qaıyǵy bar (onyń bireýi stasıonarlyq eholotpen jabdyqtalǵan) qutqarýshylar toby jumyldyryldy. Súńgýirlerge qatty jel men sý týbindegi baldyrlar kedergi keltirdi», - dedi Aqmola oblystyq Tótenshe jaǵdaılar departamentiniń baspasóz qyzmetinen.
Aıta ketsek, qaıǵyly jaǵdaı shildeniń 19-ynda bolǵan edi. Sýǵa batqan boıjetken sol kúni sý qoımasyna qurbylarymen demalýǵa barǵan. Gıdrosıklmen júzý kezinde ol sýǵa qulap ketken.