Psıhologıalyq testileýge barlyǵy 88 kandıdat qatysqan.
Joǵarǵy sot keńesiniń málimetinshe, sýdıa laýazymyna úmitker 32 adam psıhologıalyq testileýden ótken joq, dep habarlaıdy Almaty-akshamy.kz
Vedomstvonyń baspasóz qyzmeti málim etkendeı, sýdıa laýazymyna biliktilik emtıhanynnyń tórtinshi kezeńi – sýdıalyqqa kandıdattardyń psıhologıalyq testileýden ótýi aıaqtaldy.
"Psıhologıalyq testileýge, jalpy alǵanda, 88 kandıdat qatysty. Psıhologıalyq testileýdiń nátıjeleri boıynsha testileýden sátti ótken 56 kandıdat biliktilik emtıhanynyń kelesi kezeńi – Biliktilik komısıasynyń múshelerimen suhbattasýyna jiberiledi", - delingen habarlamada.
Qalǵan 32 kandıdat psıhologıalyq testileýden óte almaı qalǵan.
Aıta ketsek, búgin Memleket basshysy "Sot júıesi men sýdıalarynyń mártebesi týraly" Konstıtýsıalyq zańǵa qol qoıdy.