Mınıstrlik kóktemgi sý tasqynynan qorǵaý maqsatyndaǵy jobany 6 oblys ákimdigimen birlesip daıarlap jatyr.
Sý resýrstary jáne ırrıgasıa mınıstrligi 84 eldi mekendi sý tasqynynan qorǵaıtyn 56 jobany iske asyryp jatyr, dep habarlaıdy aqshamnews.kz
Atap aıtqanda, Aqmola, Aqtóbe, Batys Qazaqstan, Pavlodar, Soltústik Qazaqstan jáne Qostanaı oblystarynda 580 myń turǵyny bar 84 eldi mekenniń qaýipsizdigin qamtamasyz etý josparlanyp otyr.
«Jalpy uzyndyǵy 310 shaqyrym bóget salý qarastyrylǵan. Búgingi tańda bul jumystardyń shamamen 40%-y oryndaldy», delingen málimdemede.
«Osyǵan deıin mınıstrliktiń baseındik ınspeksıalary TJM jáne ákimdiktermen birlesip elimiz boıynsha 1502 gıdrotehnıkalyq qurylysqa zertteý júrgizdi. Tekseris qorytyndysy boıynsha gıdrotehnıkalyq qurylystardyń ıelerine kemshilikterdi joıýǵa usynystar berildi. Kóktemgi sý tasqynyn qabyldaý úshin bos syıymdylyqtardy qamtamasyz etý maqsatynda elimizdiń soltústigi, batys, shyǵys jáne ortalyq aımaqtaryndaǵy sý qoımalarynan sý jiberý jumysy jalǵasyp jatyr», – dedi Sý resýrstary jáne ırrıgasıa vıse-mınıstri Erbolat Ibraıhanov.