Sý tasqyny týraly 16.00-degi aqparat.
Azamattyq qorǵaý qyzmetteri, volonterler jáne tartylǵan uıymdar Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyn joıý jáne halyqqa kómek kórsetý boıynsha jumystardy jalǵastyrýda, dep habarlaıdy Almaty-akshamy.kz QR Tótenshe jaǵdaılar mınıstrligine silteme jasap.
Batys Qazaqstan oblysynda Jaıyq ózeninde sý deńgeıiniń kóterilýi saqtalýda. Jumyldyrylǵan kúshter men quraldar qapshyqtardy tóseý, qorǵaý bógetterin salý jáne sý basqan aýmaqtan sý sorý jumystaryn jalǵastyrýda. Barlyq kezek kúttirmeıtin sharalar qabyldanýda.
Atyraý oblysynda Jylyoı aýdanynyń Qulsary qalasynda sý basqan úıler men aýmaqtardan sýdy sorý jáne sýdyń baǵytyn burý, Jaıyq ózeni boıynda jaǵalaýdy bekitý jumystary jalǵastyrylýda.
Soltústik Qazaqstan oblysynda sý tasqyny jaǵdaıy turaqty kúrdeli. Sý basqan úıler men aýmaqtardan sýdy sorý jumystary, Esil ózenindegi sýdyń deńgeıine monıtorıń jalǵasýda.
Respýblıka boıynsha 26 785 adam óz úılerine oraldy. 8 795 adam, onyń ishinde 3 828 bala evakýasıalaý pýnktterinde. 4 708 turǵyn úı men 2 774 aýla aýmaǵynan sýdyń baǵyty burylyp, sý soryldy.