Azamattyq qorǵaýdyń memlekettik júıesin sý tasqyny kezeńiniń qaýipsiz ótýin qamtamasyz etýge daıyndaý maqsatynda óńirlerde aldyn alý is-sharalarynyń kesheni ótkiziledi.
Aǵymdaǵy jyldyń 22 qańtarynan bastap sý tasqynyna qarsy is-sharalar aılyǵy ótkiziledi, dep habarlaıdy almaty-akshamy.kz.
Bir mezgilde tótenshe jaǵdaılardyń aldyn alý jáne joıý jónindegi óńirlik komısıalardyń 245 otyrysy ótkizildi.
Jalpy, eldi mekenderdi sý tasqynynan qorǵaý úshin shamamen 65 km ýaqytsha bógetter men 50 km-den astam bilikter turǵyzyldy, 670 km kanaldar men 2 myń km-den astam aryqtar jáne avtomobıl (7887) jáne temir jol (1140) astyndaǵy 9 myń sý ótkizý qurylystary tazartyldy.
Sý tasqyny múmkin bolǵan jaǵdaıda evakýasıalanatyn halyqty qabyldaıtyn 3 022 pýnkt jáne aýyl sharýashylyǵy janýarlaryn ornalastyrý ýchaskeleri daıyndaldy, marshrýttar jańartyldy, kólik anyqtaldy.
QR TJM TJ aldyn alý departamenti