TJ departamenti, jergilikti atqarýshy organdar, uıymdar men turǵyndar sý tasqynyna qarsy is-sharalardy belsendi júrgizýde, dep habarlaıdy almaty-akshamy.kz SQO TJD Qoǵammen baılanys tobyna silteme jasap.
Eldi mekenderdiń kósheleri men aýla aýmaqtarynan 56 000 tekshe metrden astam sý soryldy. 4 myń 600 metrden astam aryq tazartyldy. 4 myńnan astam dana qap daıyndaldy, 4000 – ǵa jýyq tóseldi. 4 myńnan astam arna keńeıtilip, tereńdetildi. 313 metr bóget nyǵaıtyldy. Avtojoldar arqyly erigen sýdyń 36 tógilýi tirkeldi, onyń ishinde Respýblıkalyq mańyzy bar jolda – 4, oblystyq mańyzy bar jolda - 8, aýdandyq mańyzy bar jolda – 24 . Belgiler qoıyldy. Jergilikti atqarýshy organdar men polısıanyń kúshimen kezekshilik uıymdastyryldy. Bul jaǵdaı baqylaýda.
Jaqyn ornalasqan eldi mekenderdi sý basýǵa jol bermeý maqsatynda erigen sýlardy ótkizý úshin avtojoldarda jol tósemin 7 ret ashý júrgizildi. Onyń ishinde Respýblıkalyq mańyzy bar joldarda – 4, oblystyq – 1, aýdandyq – 2. Belgiler qoıylyp, kezekshilik uıymdastyryldy.
Kólik qatynasynsyz bir eldi meken - Ýálıhanov aýdanyndaǵy Qaratal aýyly. Osy eldi mekenniń qalypty tynys-tirshiligin qamtamasyz etý boıynsha sharalar qabyldandy, qutqarýshylardyń kezekshiligi qamtamasyz etildi. Novoıshımskoe jáne Drýjba aýyldarynda Esil ózenindegi sý deńgeıiniń kóterilýine baılanysty 2 úıde turatyn 3 adamdy aldyn ala evakýasıalaý júrgizildi. Olar týystaryna ornalastyrylǵan.
- Taıynsha aýdany Alabota aýylynda erigen qar sýynyń túsýi nátıjesinde Ozernaıa kóshesinde ornalasqan 2 úı sý astynda qaldy. Sondaı-aq, erigen sýlardyń kóterilýi nátıjesinde 12 aýla aýmaǵy sý astynda qaldy.
- Jergilikti atqarýshy organdardyń kúshimen arnaıy tehnıkanyń kómegimen sýdyń kedergisiz ótýi úshin aýyl kóshelerinde sý burý arnalary qazylyp, sý sorý jumystary júrgizilýde. Eldi mekende azyq-túlik jáne dári-dármek bar. 39 Bas a / sh maldy evakýasıalaý júrgizildi.
- Taıynsha aýdanynyń Roshın aýyldyq okrýginde ornalasqan Maqashevka aýylynda qardyń kóp erýine jáne erigen sýdyń túsýine baılanysty Ońtústik jáne ortalyq kóshelerindegi 5 turǵyn úıge sý kirgen.. Jergilikti atqarýshy organdar týystary boıynsha 16 adamdy, sondaı-aq 151 bas Aýyl janýarlaryn (iri qara, shoshqa, taýyq) jedel evakýasıalady.
- 5 sáýir kúni keshke Kramatorovka aýylynda erigen sýdyń túsý qaýpine baılanysty Departament qutqarýshylary shetki úılerden 5 adamdy evakýasıalady. Onyń ishinde 3 bala, 2 eresek adam.
- Shal aqyn aýdanynyń Jańasý aýylynyń shetine sý túsýine baılanysty Jańasý mektebine 13 adam kóshirildi, onyń ishinde 9 bala. Jańasý aýylynda 5 úıge sý kirip, halyqty evakýasıalaý qajettiligi týraly habardar etý boıynsha jumys júrgizildi.
- Taıynsha, Ǵ. Músirepov, Ýálıhanov, Tımırázev, Shal aqyn men Aıyrtaý aýdandarynda JAO-ǵa sý tasqynyna qarsy is-sharalardy júzege asyrýǵa 114 adam jáne 7 birlik tehnıka, 21 motopompadan turatyn SQO TJD jáne Túrkistan oblysy TJD toptyq bólimsheleri jumyldyryldy. Olardyń kúshimen 2860 danadan astam qapshyqtar daıyndaldy, 722 myń tekshe metrden astam sý soryldy.
- Aýdannyń muz keptelisterin boldyrmaý maqsatynda. Ǵ. Músirepov, Rýzaevka aýylynyń mańyndaǵy Sharyq ózeninde 200 sharshy metr aýmaqta jarylys jumystary júrgizildi.
- Sergeev sý torabynyń bógetinde Sergeev sý qoımasynyń jotasy tolyp ketý tirkeldi. Ol 1 metr 90 sm quraıdy.
Sý tasqyny jaǵdaıy erekshe baqylaýda, Petropavl qalasynda, oblys aýdandarynda táýlik boıy jedel shtabtar jumys atqarýda.