Bul jumystar sýdyń «kóleńkeli» naryǵymen, sý salasyndaǵy zańsyz árekettermen kúresý jáne tártip pen ashyqtyqty qamtamasyz etý úshin júzege asyrylýda.
Aıta ketý kerek, Sý resýrstary jáne ırrıgasıa mınıstri Nurjan Nurjigitovtiń tapsyrmasy boıynsha İshki aýdıt departamenti 9 aıda 11 mekemege aýdıtorlyq tekserý júrgizdi, dep habarlaıdy aqshamnews.kz Sý resýrstary jáne ırrıgasıa mınıstrligine silteme jasap.
Máselen, Jambyl oblysy boıynsha «Qazsýshar» fılıalyna júrgizilgen tekseris barysynda sý resýrstaryn zańsyz paıdalanýdyń 10-ǵa jýyq faktisi men sharýalarmen sýarmaly sý berý kelisimsharttaryn jasaý barysynda zań buzýshylyqtarǵa jol berilgeni anyqtaǵan bolatyn. Aýdıt qorytyndysy boıynsha mekeme basshysy men Asa óndiristik aımaǵynyń basshysy qyzmetinen bosatyldy. Budan bólek, fılıal dırektorynyń orynbasary men Qordaı, Baızaq, Merki óndiristik aımaqtarynyń basshylary qatań sógis túrinde tártiptik jaýapkershilikke tartyldy.
«Aýdıt qorytyndysy boıynsha anyqtalǵan barlyq zań buzýshylyqtarǵa qatysty materıaldar Bas prokýratýraǵa joldandy. Sondaı-aq, mınıstrliktiń quzyretti qurylymdary men vedomstvolaryna usynymdar men tapsyrmalar berildi»,- dedi İshki aýdıt departamentiniń dırektory Ǵalymjan Moldash.