Sý dobynan Azıa chempıonatynda Qazaqstan erler quramasy ekinshi jeńisine qol jetkizdi, dep habarlaıdy Almaty-akshamy.kz Olympic.kz-ke silteme jasap.
Qurlyqtyq dodanyń ekinshi kezdesýinde qazaqstandyq sportshylar Úndistannan 17:4 esebimen basym tústi. Olar budan buryn Taılandty 15:4 esebimen tize búktirgen edi.
Endi el quramasy 10 qarashada - Iran, 11 qarashada Ońtústik Koreıamen sheberlik baıqasady.
Elimizdiń erler quramasy Azıa chempıonatynda 2012 jyly chempıon atansa, 2009 jyly kúmis, 2015 jyly qola medal aldy.
Sondaı-aq elimizdiń áıelder quramasy búgin, 9 qarashada Qytaımen oınaıdy. Olar budan buryn Ońtústik Koreıany 25:5 esebimen jeńgen bolatyn.
Qurlyqtyq doda álem chempıonatyna irikteý satysy bolmaq. Álem chempıonaty 2023 jyldyń 14-30 shilde aralyǵynda Japonıanyń Fýkýoke qalasynda ótedi.
Sý dobynan Azıa chempıonaty: Qazaqstandyqtar ekinshi jeńisine qol jetkizdi
- Avtor Almaty-akshamy
- 16:00, 09 qarasha 2022
Sýret: Olympic.kz