Oqıǵa Atyraýda oryn alǵan
Atyraýda muǵalimdi ıterip jiberip jaraqattaǵan oqýshynyń anasyna aıyppul salyndy, dep habarlaıdy Almaty-akshamy.kz QazAqparat-qa silteme jasap.
Atyraý oblysynyń kámeletke tolmaǵandar isteri jónindegi mamandandyrylǵan aýdanaralyq sotynda kámeletke tolmaǵan bala tárbıesi boıynsha mindetterdi oryndamaǵan anaǵa qatysty is qaraldy.
«Bıylǵy 11 qazanda saǵat 12:30 shamasynda B.-nyń kámeletke tolmaǵan balasy, 7-synyp oqýshysy A. tarıh páni sabaǵynda muǵalimge kúsh qoldanǵan. Saldarynan muǵalim jeńil dene jaraqatyn alǵan. Jasóspirimniń zańdy ókiliniń kinási sot otyrysynda zerttelgen is materıaldarymen, atap aıtqanda, ákimshilik quqyq buzýshylyq týraly hattamamen, kýálardyń aıǵaqtarymen, sot-medısınalyq saraptama qorytyndysymen tolyq dáleldendi», - dep habarlady kámeletke tolmaǵandar isteri jónindegi mamandandyrylǵan aýdanaralyq sotynyń baspasóz qyzmetinen.
Sot atalǵan iske qatysty ákimshilik jaza taǵaıyndaý barysynda quqyq buzýshynyń jaýaptylyǵyn jeńildetetin mán-jaı retinde onyń kámeletke tolmaǵan balasynyń bar ekenin, kináni moıyndaǵanyn eskerdi. Jazany aýyrlatatyn jaıǵdaılar anyqtalǵan joq.
«QR Ákimshilik quqyqbuzýshylyq týraly kodeksiniń 127-baby 1-bóliginiń sanksıasynda 10 AEK mólsherinde aıyppul túrindegi jaza kózdelgen. Kináni moıyndaǵan jaǵdaıda sot ákimshilik aıyppul somasyn 30% tómendete alady.
Sot qaýlysymen kámeletke tolmaǵan A.-nyń anasy B. ákimshilik quqyq buzýshylyq jasaǵany úshin kináli dep tanylyp, oǵan 21 441 teńge mólsherinde aıyppul túrindegi ákimshilik jaza qoldanyldy. Bul atalǵan baptyń sankıasynda kózdelgen aıyppul somasynyń 30% quraıdy», - dep málim etti sottyń baspasóz qyzmetinen.
Sot qaýlysy zańdy kúshine engen joq.