Jaıly qalalyq ortany qurý jumystarynyń sheńberinde sáýir aıynyń basynan beri «Halyq qatysatyn búdjet» baǵdarlamasy aıasynda 37 joba boıynsha jumystar júrgizilýde, dep habarlaıdy Almaty-akshamy.kz.
İske asyrylyp jatqan jobalardyń ishinde jalpy quny 1,8 mlrd. teńge bolatyn fýtbol, basketbol, voleıbol alańdary, jaıaý júrginshiler jáne jasyl aımaqtar bar. Jobalardy aıaqtaý merzimi – bıylǵy qyrkúıek aıy.
Bıyl «Halyq qatysatyn búdjet» baǵdarlamasynyń sátti iske asyrylýyn eskere otyryp, Alataý aýdanyna qosymsha 875 mln. teńge bólindi. İske asyrýǵa jiberilgen jobalardyń tizimi Almaty qalasynyń turǵyndary daýys bergennen keıin osy jyldyń 15 mamyryna deıin belgili bolady.
Osy jyldyń maýsym aıyna deıin «Zerdeli» shaǵynaýdanyndaǵy 30 úıdiń qalǵan 2-ýin nyǵaıtý jáne túzetý jumystary aıaqtalady. Sonymen qatar, 2022 jyldyń jeltoqsan aıynda qurylysy aıaqtalmaǵan 2 úı buzyldy. Ol jerde skver bolady.
Aýdanda únemi sý basatyn jerlerdiń máselesi sheshildi. 18 ýchaskeniń 16-synda jumystar oryndaldy, qalǵan 2 ýchaske boıynsha jumystardy bir aıdyń ishinde aıaqtalady.