Buıryq 2025 jylǵy 19 qańtardan bastap qoldanysqa engiziledi.
Tótenshe jaǵdaılar mınıstriniń m. a. 2024 jylǵy 25 jeltoqsandaǵy sý aıdyndaryndaǵy qaýipsizdik erejelerine túzetýler engizdi, dep habarlaıdy aqshamnews.kz
Erejelerde keıbir uǵymdar naqtylanǵan:
Qaǵıdalardyń talaptaryn saqtaýǵa jaýaptylar — sý aıdyndarynyń, sý obektilerindegi jappaı demalys, týrızm jáne sport oryndarynyń ıeleri (jalǵa alýshylar, óteýsiz paıdalanýshylar), nusqaýshylar jáne (nemese) jattyqtyrýshylar, jergilikti atqarýshy organdar, sondaı-aq sý aıdyndaryn paıdalanatyn jáne (nemese) olarda demalyp jatqan jeke jáne zańdy tulǵalar;
saqtandyrý ushy — qutqarý dóńgelegimen nemese qutqarý keýdeshesimen birlesip paıdalanylatyn, belbeýge nemese ıyqqa taǵylatyn nusqaýshynyń ózin saqtandyrýǵa arnalǵan ilmegi bar katýshkadaǵy uzyndyǵy keminde 200 metr qalqymaly balǵa;
sý aıdyndary — ózender jáne solarǵa teńestirilgen kanaldar, kólder, sý qoımalary, toǵandar jáne basqa ishki sý aıdyndary, aýmaqtyq sýlar.
Sondaı-aq, "shomylý" uǵymy engizildi — jýyný, densaýlyqty nyǵaıtý nemese demalý maqsatynda sýǵa túsý, júzý jáne sý aıdyndarynda bolý.
Túzetýlermen shomylýǵa bólingen sý aıdyny akvatorıasy ýchaskesiniń túbin 2 metrge deıingi tereńdikte zerttep-qaraýdy jáne tazalaýdy, sondaı – aq jaǵajaıdyń osy Qaǵıdalardyń 9-tarmaǵynyń talaptaryna sáıkestigin kózben sholyp qaraýdy azamattyq qorǵaý salasyndaǵy ýákiletti organnyń aýmaqtyq bólimsheleri nemese qaramaǵyndaǵy memlekettik mekemeleri nemese jergilikti atqarýshy organdar men ýákiletti organnyń aýmaqtyq bólimsheleri ókilderiniń qatysýymen sý astynda jumys júrgizý úshin súńgýirlik jabdyqtary men qural-jabdyqtary bar uıymdar júrgizetindigi qamtyldy.
Sý obektileri men sý sharýashylyǵy qurylystaryndaǵy buqaralyq demalys, týrızm jáne sport oryndarynda:
shomylý maýsymy bastalar aldynda 2 metrge deıingi tereńdikte shomylýǵa bólingen sý aıdyny akvatorıasy ýchaskesiniń túbin tekserý jáne tazalaý júrgiziledi, onyń qorytyndysy boıynsha osy Qaǵıdalarǵa 3-qosymshaǵa sáıkes nysan boıynsha jaǵajaıdy zertteý aktisi ýákiletti organnyń aýmaqtyq bólimshelerimen beriledi (jaǵajaıdy zertteý aktisi barlyq qoldar bolǵan jaǵdaıda jaramdy bolyp tabylady)
kúzet beketteri qurylady (sý obektileri men sý sharýashylyǵy qurylystarynda jappaı demalý, týrızm jáne sport ornyn uıymdastyrýshynyń bastamasy boıynsha)
kıim aýystyrýǵa arnalǵan kabınalar (50 adamǵa 1), dárethanalar (50 adamǵa 1, shomylý ornynan keminde 50 metr jáne 150 metrden aspaıtyn qashyqtyqta), shezlondar, tentter men shatyrlar (sý obektileri men sý sharýashylyǵy qurylystarynda jappaı demalý, týrızm jáne sport ornyn uıymdastyrýshynyń bastamasy boıynsha)
qyzmet kórsetýdiń barlyq aımaǵyn qamtıtyn daýys zoraıtqysh qurylǵylar, telefon baılanysy jáne beıne tirkeý júıesi ornatylady; (beıne tirkeý júıesi sý obektileri men sý sharýashylyǵy qurylystarynda jappaı demalý, týrızm jáne sport ornyn uıymdastyrýshynyń bastamasy boıynsha ornatylady)
Budan ózge, túzetýlermen kemede (onyń ishinde shaǵyn kólemdi), sý kóliginde nemese tirkep súıretiletin júzý quralynda turǵan adamdarda kemeni (onyń ishinde shaǵyn kólemdi), sý kóligin kıýge jáne taǵýǵa qutqarý keýdeshelerinsiz basqarýǵa tyıym salý engiziledi.
Sondaı aq erejelerde qaýipsizdik belgileriniń sıpattamasy naqtylanǵan:
Shomylý orny! — Jasyl sheńberde aq fonda. Ústinen jazý. Jazýdyń astynda (júzýdiń shekarasyn metrmen kórsete otyryp) júzip kele jatqan adam beınelengen. Belgi aq tústi baǵanǵa bekitiledi
Balalardyń shomylatyn orny! — Jasyl sheńberde aq fonda. Ústinen jazý. Jazýdyń astynda (júzý shegi metrmen kórsetilgen) sýda turǵan eki bala beınelengen. Belgi aq tústi baǵanǵa bekitiledi
Shomylýǵa tyıym salynady (shekaralaryn metrmen kórsete otyryp)! — Qyzyl ramanyń ishinde aq fonda. Jazý ústińgi jaǵynda. Tómengi jaqta júzip kele jatqan adam beınelegen. Beıne joǵarydaǵy sol jaq buryshtan bastap qyzyl syzyqpen dıagonal boıynsha syzylady. Belgi qyzyl baǵanǵa bekitiledi.
Muz ústimen júrýge bolady! — Tutastaı jasyl túske boıalady. Jazý ortasynda aq tústi. Belgi aq baǵanǵa bekitiledi.
Muz ústimen júrýge tyıym salynady! — Tutastaı qyzyl túske boıalady. Jazý ortasynda aq tústi. Belgi qyzyl baǵanǵa bekitiledi.
Tolqýdy týdyrmańyz! — Qyzyl sheńberdiń ishinde aq fonda qyzyl syzyqpen syzylǵan qara tústi eki tolqyn beınelengen. Belgi qyzyl tústi baǵanǵa bekitiledi
Súńgýge tyıym salynady! — Qyzyl ramanyń ishinde aq fonda. Jazý ústińgi jaǵynda. Tómengi jaǵynda súńgip bara jatqan adam beınelengen. Beıne joǵarydaǵy sol jaq buryshtan bastap qyzyl syzyqpen dıagonal boıynsha syzylady. Belgi qyzyl baǵanǵa bekitiledi.
Júzý quraldarynyń qozǵalysyna tyıym salynady! — Qyzyl ramanyń ishinde. Jazý ústińgi jaǵynda. Tómengi jaǵynda ilme motorly shaǵyn kólemdi keme beınelengen. Beıne joǵarydaǵy buryshtan bastap qyzyl syzyqpen dıagonal boıynsha syzylady. Jaǵajaıdyń akvatorıasyn qorshaıtyn qalqybelgiler birge qoıylady.
Shaǵyn kólemdi kemelerdiń turýyna jáne toqtaýyna tyıym salynady! — Qyzyl sheńberdiń ishinde aq fonda qyzyl syzyqpen syzylǵan qara tústi "R" árpi beınelengen. Belgi qyzyl tústi baǵanǵa bekitiledi
Qaýipti! Iirim! — Qara jıektemedegi jasyl úshburysh aq fonda jáne ortasynda eki ırek kóldeneń syzyqpen syzylǵan lep belgisi. Ústińgi jaǵynda "Qaýipti!" degen jazý. Tómengi jaǵynda qara jıektemede "Iirim!" degen jazý. Qalqymaly belgi, sý kemerinen 5-10 metr jerde, tereńdikter kúrt almasatyn aýdanǵa qoıylady.
Zákirdi laqtyrmańyz! — Qyzyl sheńberdiń ishinde aq fonda qyzyl syzyqpen syzylǵan qara tústi Zákir beınelengen. Belgi qyzyl tústi baǵanǵa bekitiledi.
Abaılańyz, juqa muz! — Qyzyl sheńberde aq fonda. Joǵarydan jazý. Tómende muzdyń astyna túsken adam beınelengen. Sýret joǵarǵy sol jaq buryshtan dıagonal boıynsha qyzyl syzyqpen syzylǵan. Belgi qyzyl tústi baǵanaǵa bekitiledi.
Sonymen qatar, qujatta sý aıdyndarynda jappaı is-shara ótkizý týraly habarlama nysany jańartyldy.