Áleýmettik jelilerde Air Astana áýekompanıasynda stúardessa bolyp jumys isteıtin boıjetken týraly vıdeorolık tarady. Ol súıikti jumysyna 10 jylyn arnaǵan, - dep habarlaıdy almaty-akshamy.kz.
Aıjan esimdi stúardessa óziniń TikTok-taǵy paraqshasynda 2015 jyldan bergi jumysy týraly vıdeo jarıalady. Ol birden áleýmettik jeli qoldanýshylarynyń nazaryna ilindi.
Air Astana baspasóz qyzmeti Aıjannyń kompanıada 2015 jyldan beri jumys istep kele jatqanyn rastady. Aıtýynsha, ol Óskemen qalasynda dúnıege kelgen.
"Bastapqyda kelisimshartqa sáıkes tek úsh jyl jumys isteýdi josparlaǵan edim. Alaıda is júzinde bári múldem basqasha bolyp ketti. Alǵash ret jumysqa kiriskenimde meniń menedjerim: "Avıasıa eliktirip áketedi. Osynda bir ret kelgennen keıin, ketkińiz kelmeıdi. Avıasıa - bul kóptegen jylǵa jalǵasatyn mahabbat" dep aıtqan edi. Ol kezde bul sózdiń maǵynasyn tereńinen túsinbedim. Biraq qazir tolyq kelisemin", - dedi Aıjan.
Boıjetken jumys barysynda eń qıyny - erte turý, uıqysyz túnderdi basynan ótkerý jáne basqa elderdegi úlken ýaqyt aıyrmashylyǵy ekenin atap ótti.
"Kompanıada 10 jyldan asa ýaqyt jumys istegennen keıin qyzmetker basshylyqtan qol saǵaty túrinde bonýs alady" desedi. Shynymen de solaı eken.
"Kompanıa "Prezıdentpen tańǵy as" uıymdastyrady. Onda kompanıa prezıdenti saǵattardy jeke jeke tapsyrady", - dedi ol.
Kompanıanyń málimetinshe, stúardessalar 61 jasqa deıin jumys isteı alady eken. Máselen Air Astana áýekompanıasynda 10 jyldan asa tájirıbesi bar 499 stúardessa bar.