Soltústik Qazaqstan oblysynda Astana – Petropavl tasjolynda úsh kóliktiń qatysýymen jol apaty tirkeldi, dep habarlaıdy Aqshamnews.kz tilshisi.
Oqıǵa 14 jeltoqsanda tańǵy saǵat 06:00-de Chapaı men Astrahanka aýyldarynyń arasynda bolǵan. Aldyn ala málimet boıynsha, Volkswagen Passat kóligi aldymen bir «Gazelge» soǵylyp, soqqydan aýdarylyp ketken. Budan keıin jeńil kólik artynan kele jatqan ekinshi «Gazelmen» de soqtyǵysqan.
Jol apaty saldarynan 32 jastaǵy Volkswagen júrgizýshisi aýyr jaraqat alyp, aýdandyq ortalyq aýrýhanaǵa jetkizildi. Al «Gazel» júrgizýshileri zardap shekpegen. Kólikterdiń salondarynda jolaýshylar bolmaǵan.
Polısıa málimetinshe, oqıǵa boıynsha materıal jınalyp, apattyń barlyq mán-jaıyn anyqtaý úshin tekserý júrgizilip jatyr.