11 qazanǵa qaraǵan túni “Nur-Sultan – Petropavl” avtojolynyń 370-shi shaqyrymynda Taıynsha aýdany Kremenchýg aýylynyń mańynda bir otar qoı VAZ 2115 avtokóliginiń astyna tústi, dep habarlaıdy almaty-akshamy.kz Polisia.kz. silteme jasap.
Kólik júrgizgen 36 jastaǵy Kókshetaý qalasynyń turǵyny avtokólik shamynyń jaryǵyna kenetten janýarlar atyp shyqqan sátte kóligin toqtatyp úlgere almaǵany anyqtaldy. Qaqtyǵys saldarynan 14 bas mal qyryldy. Júrgizýshi zardap shekken joq, mashına zaqymdalǵan. Janýarlardyń joldyń júris bóliginde bolýyna jol bergen ıesine qatysty QR Ákimshilik quqyq buzýshylyq týraly kodeksiniń 615-babynyń 2-bóligi boıynsha hattama toltyryldy.
– Osyndaı jol-kólik oqıǵasy qyrkúıek aıynyń sońynda Esil aýdanynyń aýmaǵynda oryn aldy. Polısıa qyzmetkerleri osyndaı oqıǵalarǵa ákep soqtyrýy múmkin erkin mal jaıý faktileriniń aldyn alý boıynsha jumystar júrgizýde. Mal aıdaýshylarǵa da qyraǵylyq tanytý kerek. Olar jol qozǵalysynyń basqa qatysýshylary ekendigin esten shyǵarmaǵan jón jáne jazylǵan qaǵıdalardy oryndaý qajet. Mal ıeleri men baqtashylardan janýarlardyń jolda kenetten paıda bolýyna baılanysty apattyq jaǵdaılardy boldyrmaý jóninde sharalar qabyldaýdy suraımyz. Sondaı-aq, maldy jol boıymen aıdap ótýdi táýliktiń jaryq ýaqytynda júzege asyrý kerek, qarańǵy ýaqytta jaqyndap kele jatqan avtomobılderge fonarmen nemese alaýmen sıgnal berý mindetti, – deıdi SQO PD jergilikti polısıa qyzmeti basqarmasynyń bastyǵy Aıdyn Baımatov.