Soltústik Qazaqstan oblysynyń turǵyny balyq aýlap júrip, kezdeısoq tarıhı jańalyq ashty. Ol mamonttyń alyp súıegin taýyp aldy, dep habarlaıdy Aqshamnews.kz.
Ǵylym jáne joǵary bilim mınıstrliginiń málimetinshe, súıek Qyzyljar aýdanyna qarasty Báıterek aýyly mańynan tabylǵan. Áset Shaıkın esimdi jergilikti turǵyn balyq aýlap júrip, erekshe oljaǵa tap bolyp, ony tarıhshy-arheolog Anatolıı Pleshakovqa tapsyrǵan.
sýret: ǴJBM
Ekeýi birge oqıǵa ornyna baryp, aýmaqty qarap shyqqanymen, basqa súıekter tabylmaǵan. Tarıhshynyń aıtýynsha, ejelgi janýardyń qalǵan bólikteri topyraq astynda jatýy múmkin.
"Bul óte qyzyqty olja. Súıektiń uzyndyǵy shamamen 1 metr. Jasy - shamamen 15 myń jyl, ıaǵnı joǵarǵy paleolıt dáýirine jatady. Ol óte iri mamontqa tıesili bolǵan. Buǵan deıin de SQO aýmaǵynan ejelgi janýarlardyń qaldyqtary tabylǵan. Kelesi jyly osy jerde qazba jumystaryn júrgizip, súıektiń basqa bólikteri men eńbek quraldaryn tapsaq, bul aımaqtaǵy alǵashqy paleolıttik eskertkish bolýy múmkin", - dedi Pleshakov.
sýret: ǴJBM
Mamannyń sózinshe, bolashaq qazbalar naqty osy aýmaqta mádenı qabattar men artefaktterdiń bar-joǵyn anyqtaýǵa múmkindik beredi jáne tolyqqandy arheologıalyq zertteý júrgizý máselesin sheshýge negiz bolmaq.