Kovıdke qarsy «Spýtnık V» vaksınasyn saldyrtqan soń, qaıta egý úshin kez kelgen vaksınany qoldanýǵa bolady, biraq eń jaqsy qorǵanys beretin - «Spýtnık Laıt». Bul rette Moderna nemese Pfizer sıaqty mRNK-vaksınalaryn «Spýtnık V»-men býsterlegen jón. Bul týraly N.F.Gamaleıa atyndaǵy ortalyqtyń dırektory Aleksandr Gınsbýrg málim etti, dep habarlaıdy almaty-akshamy.kz QazAqparatqa silteme jasap.
«Spýtnık V» vaksınasynyń "delta" shtamyna qarsy tıimdiligi túrli baǵalaý boıynsha 83-90 paıyz aralyǵynda. Bul – basqa ekpelerge qaraǵanda áldeqaıda joǵary. Sondyqtan Moderna men Pfizer-di «Spýtnıkpen», al «Spýtnık V»-ny «Spýtnık Laıtpen» býsterlegen jón. Basqa vaksınalarmen býsterleýge de bolady, biraq usynylǵan ádis – eń tıimdisi», - dep baıandady Aleksandr Gınsbýrg.
Ol RKN-vaksınalarynyń koronavırýstyń «delta» aldyndaǵy shtamdaryna qarsy jaqsy ımýndyq jaýap beretinin túsindirdi.
«MRNK-vaksınalar jaqsy, biraq olardyń jasýshalarymyzǵa jetkizetin antıgen aqýyzdyń bir keńistik pishinde ornalasatynyndaı qurylǵan. Onyń «deltanyń» aldynda paıda bolǵan "Ýhan" jáne taǵy basqa shtamdarǵa qarsy ımýndyq jaýaby óte joǵary», - dedi Aleksandr Gınsbýrg.
Buǵan deıin RF Densaýlyq saqtaý mınıstri Mıhaıl Mýrashko «Spýtnık V» vaksınasyn saldyrtyp, qaıta egýge «Spýtnık Laıtty» qoldanýdyń tıimdiligi óte jaqsy nátıje kórsetip otyrǵanyn, koronavırýstan qorǵanystyń 92 paıyzdan asqanyn málimdegen.