Jeńil jolmen aqsha tabýǵa ádettengen jas jigit qolǵa tústi
Almatyda sport zaldarynyń kıim aýystyratyn bólmelerinde júrgen ury ustaldy, dep habarlaıdy almaty-akshamy.kz Polisia.kz-ke silteme jasap.
Jeńil aqshany unatatyn 21 jastaǵy jigit tek sport zaldary men monsha keshenderiniń sórelerinen urlyq jasaýǵa mamandanǵan. Jas jigit mekemelerdiń kıim aýystyratyn bólmelerine kirip, sórelerdiń qulpyn buzyp, sol jerden baǵaly zattardy urlap ketken.
«Kúdiktini bizdiń bólimsheniń krımınaldyq polısıa bóliminiń qyzmetkerleri ustady. Jeke tintý barysynda odan zattaı aıǵaqtar tabyldy jáne tárkilendi. Qazirgi ýaqytta tergeý bólimi ustalǵan azamattyń osyǵan uqsas 10 epızodqa qatysy baryn dáleldep otyr. Sotqa deıingi tergeý aıaqtalǵansha bul kórsetkish artýy múmkin. Kúdikti tulǵanyń basqa da qylmystarǵa qatysy bar-joǵy tekserilýde», – dep qorytyndylady Medeý aýdandyq polısıa basqarmasynyń bastyǵy Dáýren Ótebaev.