Elimizge belgili mesenat, sport janashyry Erkin İzbasar búgin tańda kóz jumdy, dep habarlaıdy almaty-akshamy.kz.
Aqtóbege ǵana emes, elimizge belgili mesenat Erkin İzbasardyń qazasy týraly aqparatty zamandastary rastady. Ol búgin tańda kóz jumǵan.
- Ol kisi kóptegen aýyr operasıa jasatty. Uzaq jyldar boıy aýyrdy. Erkin İzbasar qazaq sportyn damytýda, onyń ishinde jas balalardy sportqa baýlýda, tárbıeleýde kóp úles qosty. Ákesi Jumash aǵaı bapker boldy, ózi de palýan. Birtalaı jigitke kómektesti. Aqtóbe oblysynda kúrestiń damýyna zor úles qosqan adam desem bolady. Tokıo olımpıadasynyń qola júldegeri Nurıslam Sanaevty alyp kelip, Aqtóbe oblysyna ǵana emes, qazaq eline úlken jeńis syılady. Ózi múgedek bola tura qaıyrymdylyq aksıasyna óte kóp qatysty. Joq-jitikke kómektesti. Eldiń azamaty, eldiń batyry dep aıtatyndaı azamat,- dedi oblystyq máslıhat depýtaty Marat Qoılybaev.