Almatyda qyrkúıekke deıin Spasskaıa kóshesi boıynda kólik qozǵalysy shekteledi, dep habarlaıdy almaty-akshamy.kz «Almaty jylý júıesi» JSHS-ne silteme jasap.
2024 jyldyń 20 maýsymy men 15 qyrkúıegi aralyǵynda Almaty qalasynyń Túrksib aýdanynda Spasskaıa kóshesiniń boıymen Bekmahanov kóshesinen bastap Ýrıskıı kóshesi arqyly óte otyryp, Vorovskıı kóshesine deıingi aýmaqta avtokólik quraldary úshin qozǵalys shekteledi.
Eki baǵytta da kólik qozǵalysy jabylady.
Ýaqytsha shekteýler 1983 jyldan beri paıdalanylyp kele jatqan jalpy uzyndyǵy 1804,6 metr bolatyn, atalǵan kóshe bóliginiń kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilmek.
Bul qubyr 22 kóppáterli turǵyn úıdi, 1 balabaqsha men 1 bilim berý nysanyn jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Eske sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde jarıalanyp otyrady.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.