Koronavırýstyq shekteýler qaıta engizile bastady.
COVID-19 shaldyǵýshylar kóbeıýine baılanysty birqatar elderde koronavırýstyq shekteýler qaıta engizilip jatyr,dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Katarda 7 shildeden bastap jergilikti turǵyndar men týrıser jabyq oryndarda, kólikterde betperde kıýge mindetti. Bul el azamattary bir aıdaı ýaqytqa ǵana shekteýsiz ómir súrdi. Úkimet jabyq qoǵamdyq oryndarda maskalardy mindetti túrde kıýdi 21 mamyrda ǵana toqtatqan bolatyn.
Osyndaı talaptar 8 shildeden bastap Kıprde de qoldanyla bastady.
«Maskalardy 12 jastan asqan barlyq azamattar kıýi kerek», - dedi Densaýlyq saqtaý mınıstri Mıhalıs Hadzıpandelas.
Ol jańa erejelerdi engizý sebebin sońǵy kúnderdegi barlyq epıdemıologıalyq kórsetkishter men koronavırýspen aýyratyn naýqastardy aýrýhanaǵa jatqyzý sanynyń artýymen túsindirdi.
Túrkıada medısınalyq qaýymdastyq (TTB) Úkimetke mindetti túrde maska kıýdi qaıta engizýge shaqyrdy.
«COVID-19 ınfeksıasyna shaldyǵý kórsetkishteri ósip jatyr. Vaksınalaýdy balalardan bastaý kerek, barlyǵyna jabyq oryndarda betperde kıýdi mindetteý kerek, testter sanyn kóbeıtý qajet, olardyń nátıjeleri týraly kúndelikti málimettermen bólisý kerek», - dep atap ótti medısınalyq qoǵamdastyq ókilderi.