Sońǵy úsh jylda Almaty qalasy áleýmettik-ekonomıkalyq damýdyń turaqty oń serpinin kórsetip keledi
2024 jyly Almaty ekonomıkasy 2021 jylmen salystyrǵanda 20,7%-ǵa ósti. Jan basyna shaqqandaǵy jalpy óńirlik ónim (JÓÓ) 56,6%-ǵa artyp, 27 557 AQSH dollaryna jetti (2021 jyly – 17 595 AQSH dollary).
Almaty Qazaqstannyń ınvestısıalyq ortalyǵy mártebesin saqtap otyr. 2022–2024 jyldar aralyǵynda qala ekonomıkasyna negizgi kapıtalǵa shamamen 5,2 trln teńge ınvestısıa tartylyp, bul 2021 jylmen salystyrǵanda 52,4%-ǵa artqan.
Shaǵyn jáne orta bıznes (SHOB) Almatynyń ekonomıkalyq damýynyń negizgi qozǵaýshy kúshi bolyp tabylady. SHOB-tyń qala ekonomıkasyndaǵy úlesi 2021 jylǵy 47,5%-dan 2024 jyly 60,3%-ǵa deıin ósti.
SHOB sektory jumyspen qamtýdyń basty kózi bolyp qala beredi – munda qaladaǵy jumyspen qamtylǵan halyqtyń 90%-y nemese 972,1 myń adam jumys isteıdi.
2025 jyly alǵash ret Almaty qalasynyń búdjety 2,4 trln teńgeden asty. Bul kórsetkish 2022 jyldyń basymen salystyrǵanda 2,3 ese joǵary (2022 jyly – 1 070 mlrd teńge).
Damý búdjeti 622 mlrd teńgege deıin ulǵaıyp, 2022 jylmen salystyrǵanda 2,9 esege artty (2022 jyly – 213 mlrd teńge).