Aýyl sharýashylyǵy Qazaqstan ekonomıkasynyń basym salalarynyń biri.
Aýyldyq jerlerde el halqynyń 38%-y turady, bul shamamen 7,6 mıllıon adamdy quraıdy. Qazirgi ýaqytta agroónerkásiptik keshen eńbekpen qamtylǵan halyqtyń jalpy sanynyń 11% jumys oryndarymen qamtamasyz etedi, dep habarlaıdy aqshamnews.kz.
Sońǵy alty jylda AÓK memlekettik qoldaýdyń keshendi sharalaryn iske asyrýdyń arqasynda oń serpin kórsetti. Tabystyń negizgi faktorlarynyń biri salany sýbsıdıalaýǵa qomaqty qarajat bólý boldy. Osy kezeńde AÓK-ni qoldaýǵa 2,5 trln. teńge, bul rette 2025 jylǵa 655,2 mlrd. teńge mólsherinde qosymsha qarjylandyrý kózdelgen.
Mundaı ınvestısıalardyń nátıjesi aýyl sharýashylyǵynyń jalpy óniminiń aıtarlyqtaı ósýi boldy. Alty jyl ishinde ol 1,8 ese ósip, 8,3 trln teńgege jetti. Bul 2018 jylmen salystyrǵanda 3,8 trln. teńgege kóp, óıtkeni 2018 jyly 4,5 trln. teńgeni quraǵan.
Budan basqa, memlekettik qoldaý sharalarynyń arqasynda AÓK negizgi kapıtalyna ınvestısıalar aǵynynyń turaqty úrdisi saqtalýda.
Máselen, sońǵy bes jylda aýyl sharýashylyǵyna ınvestısıa kólemi 2,5 esege ulǵaıyp, 2024 jyly 919 mlrd.teńgeni qurady (2018 jyly salystyrǵanda 365 mlrd. teńge). Sol kezeńde azyq-túlik óndirisine salynǵan ınvestısıalar 40% - ǵa artyp, 180,8 mlrd.teńgege jetti (2018 jylmen salystyrǵanda 125,7 mlrd. teńge).
Investısıa sonymen qatar aýyl sharýashylyǵyndaǵy eńbek ónimdiliginiń artýyna yqpal etti. 2023 jyldyń qorytyndysy boıynsha bir jumyspen qamtylǵandarǵa eńbek ónimdiligi 4,2 mln.teńgeni qurady, bul 2018 jylǵy kórsetkishten eki ese kóp (2,1 mln. teńge).
Sońǵy alty jylda elimizde azyq-túlik óndirisiniń kólemi 2,1 esege artyp, 3,3 trln. teńgeni qurady. Óz kezeginde AÓK ónimderiniń eksporty da aıtarlyqtaı ósim kórsetti. Bes jyl ishinde eksport kólemi 1,7 esege artyp, 2024 jyly 5,1 mlrd.AQSH dollaryn qurady (2018 jylmen salystyrǵanda 3,1 mlrd. AQSH dollary).
Osylaısha, agroónerkásiptik keshen memlekettik qoldaýdyń, ınvestısıalar tartýdyń jáne eńbek ónimdiligin arttyrýdyń arqasynda nyǵaıyp, damýyn jalǵastyrýda. Osy faktorlardyń barlyǵy aýyl sharýashylyǵynyń turaqty damýyn jáne onyń el ekonomıkasyna eleýli úlesin qamtamasyz etedi.