Somalı astanasy Mogadıshodaǵy lańkestik áreketten 20-dan astam adam qaza tapty. Qarýly ıslamshylar «Haıt» qonaqúıin basyp alyp, tórt qabatty ǵımaratty bir táýlikke jýyq ýaqyt ustady, dep habarlaıdy Almaty-akshamy.kz Inform.kz-ke silteme jasap.
Qaza tapqandar arasynda áskerıler, memlekettik mekeme qyzmetkerleri men qonaqúıdiń ıesi bar.
Shabýyl úshin jaýapkershilikti «Ash-SHabaab» uıymy óz moınyna aldy.
Lańkester qonaqúıge juma kúni kún batqan soń shabýyl jasaǵan. Birqatar jarylys bolǵany habarlandy.
Top ókilderi ıslamshyldardyń kóptegen qaýipsizdik qyzmetkerlerin óltirgenin jáne ǵımarattyń ózinde adamdarǵa oq jaýdyrǵanyn málimdedi.
Qonaqúı aınalasy qorshaýǵa alyndy. Tańerteń áskerıler ǵımaratty atqylap, shabýylǵa daıyndala bastady.
Urys 18 saǵattan astam ýaqytqa sozyldy. Qaýipsizdik qyzmetkerleri úıdegi beıbit turǵyndardyń kópshiligin, sonyń ishinde balalardy qutqara alǵan.
«Frans-Press» agenttigi habarlaǵandaı, bul osy jyldyń mamyr aıynda el prezıdenti Hasan Sheıh Mahmýdtyń qaıta saılanýynan keıingi eń aýqymdy shabýyl boldy.