Qazgıdromet 1 maýsymǵa arnalǵan aýa raıy boljamyn jasady, dep habarlaıdy almaty-akshamy.kz
Antısıklon jyrasy áserinen elimizdiń basym bóliginde jaýyn-shashynsyz aýa raıy kútiledi. Tek Qazaqstannyń batysynda, soltústik-batysynda atmosferalyq frontaldy bólimderdiń ótýimen naızaǵaı oınap, jańbyr jaýady. Respýblıka boıynsha jeldiń kúsheıýi saqtalýda, batysta, ońtústikte – shańdy daýyl kútiledi.
«Aqtóbe, Qostanaı oblystarynyń basym bóliginde qatty ystyq, ońtústiginde, ońtústik-batysynda óte qatty ystyq bolady dep kútilýde. Aqmola, Atyraý, Soltústik Qazaqstan, Ulytaý oblystarynyń basym bóliginde qatty ystyq kútiledi», - dep jazdy sınoptıkter.
Aqmola, Soltústik Qazaqstan, Túrkistan oblystarynyń basym bóliginde, Mańǵystaý oblysynyń soltústiginde, ortalyǵynda joǵary órt qaýpi kútiledi.
Qyzylorda oblysynyń basym bóliginde, Atyraý, Qaraǵandy oblystarynyń shyǵysynda, Pavlodar oblysynyń shyǵysynda, ortalyǵynda, Abaı oblysynyń soltústiginde tótenshe órt qaýpi saqtalady.
Jambyl oblysynyń basym bóliginde joǵary órt qaýpi, oblystyń soltústik-shyǵysynda tótenshe órt qaýpi kútiledi. Qostanaı oblysynyń basym bóliginde joǵary órt qaýpi, oblystyń ońtústiginde tótenshe órt qaýpi kútiledi. Aqtóbe oblysynyń basym bóliginde joǵary órt qaýpi, oblystyń ońtústik-batysynda tótenshe órt qaýpi kútilýde.