Petropavl qalasynda «SARAP» eksperttik klýbynyń «Qoǵamdyq optımızm jáne energetıkalyq qaýipsizdik: Qazaqstandaǵy atom energetıkasyn damytý perspektıvasy» taqyrybyndaǵy aımaqtyq jıyny ótti, dep habarlaıdy aqshamnews.kz.
Jıyndy Mádenıet jáne aqparat mınıstrliginiń qoldaýymen Qazaqstandyq qoǵamdyq damý ınstıtýty uıymdastyrdy.
Aımaqtyq jıyn taqyrybyna Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýy arqaý boldy.
Jıyn barysynda Joldaýda aıtylǵan birqatar máseleler: memlekettik sheshimder qabyldaý prosesine azamattardyń qatysýy, jańa qoǵamdyq-saıası mádenıet, ekologıalyq táýekel men qaýipsizdik, sondaı-aq atom elektr stansasyn salý boıynsha jalpyulttyq referendým talqylandy.
İs-sharaǵa Soltústik Qazaqstan oblysynyń ákimdigi, oblystyq jáne qalalyq máslıhat depýtattary, qoǵamdyq keńes músheleri, atom energıasy men ekologıa salasynyń kásibı mamandary, jastar men azamattyq qoǵam ókilderi qatysty.
Otyrys qorytyndysy boıynsha sarapshylar naqty máselelerge toqtalyp, usynystaryn aıtty.