Oqıǵa Ǵabıt Músirepov aýdanynyń aýmaǵynda oryn aldy. Esil ózeniniń ústindegi Nejınka men Birlik aýyldaryn baılanystyratyn kópir astyq tasymaldap kele jatqan Shacman júk kóliginiń salmaǵyn kótere almaı, opyryldy. Qazir aýyl turǵyndary úshin qysqa jol qatynasy úzildi, dep habarlaıdy aqshamnews.kz
«18 jeltoqsan kúni 56 jastaǵy júrgizýshi rúldi basqara almaı, kóligi ózenge aýdarylyp ketti», – dep málimdedi SQO polısıa departamentiniń baspasóz qyzmeti.
Jergilikti turǵyndardyń aıtýynsha, kópir shamamen 50 jyl buryn salynǵan.
«Ol kezde eń aýyr kólikter KamAZ bolatyn, olardyń jalpy salmaǵy júkpen birge 16 tonnaǵa jetetin. Tipti shamadan tys júktememen 25 tonna bolǵannyń ózinde, qazirgi Shacman júk kóliginiń jalpy salmaǵy 40 tonna, al shamadan tys júktelgende 50 tonnaǵa deıin jetedi», – dep jazdy áleýmettik jelidegi pikirlerde.
Oqıǵa saldarynan eshkim zardap shekken joq.