Utqyrlyq sertıfıkaty engizildi
Eńbek jáne halyqty áleýmettik qorǵaý mınıstrligi eńbek kúshi az óńirlerge qazaqstandyqtardy qonystandyrý prosesin jetildirip jatyr, dep habarlaıdy Almaty-akshamy.kz QazAqparatqa silteme jasap.
«Búginde eńbek kúshi tapshy óńirlerdiń máselesi kún tártibinde. Ol degenimiz jumys kúshi az, ásirese, soltústik óńirlerge ońtústikten azamattardy kóshirý. Jyl saıyn kvota bólinip keledi, onyń kólemi artýda. Mysaly, bıyl ótken jylǵa qaraǵanda 566 kvotaǵa kóbeıdi. Azamattardy qonys aýdarýǵa yntalandyrý maqsatynda atalǵan sharýany avtomattandyrý qolǵa alyndy», - dedi İlıas Ispanov Ortalyq komýnıkasıalar qyzmeti alańynda ótken baspasóz máslıhatynda.
Odan bólek, ár óńir boıynsha jol kartasy bekitilip, kóshýge tapsyrys aldyn ala beriledi.
«Sonymen qatar búginde utqyrlyq sertıfıkaty engizildi. Ol boıynsha azamattardy baspanamen qamtý shyǵynynyń 50 paıyzyn Úkimet tólep beredi, qalǵan 50 paıyz shyǵyndy jergilikti atqarýshy organ nemese jumys berýshi óteıtin bolsa, onda kvota sany arta túspek», - deıdi Kóshi-qon komıtetiniń basshysy.