Belarýs elinde 32-shi halyqaralyq «Slaván bazary» óner festıvali aıasynda balalar mýzykalyq baıqaýynyń ekinshi, sońǵy kúni ótip jatyr.
Qazaqstannyń abyroıyn asyryp, jas ánshi Sherhan Arystan baıqaýdyń birinshi kúni qazylar alqasynyń eń joǵary upaıyna ıe boldy, dep habarlaıdy Almaty-akshamy.kz.
24.kz habarlaýynsha, saıysqa álemniń 18 elinen úmitkerler kelgen. Al qazylar alqasyna Qazaqstannyń halyq ártisi Naǵıma Esqalıeva tóraǵalyq etip otyr. Baıqaýdyń alǵashqy kúngi qorytyndysy boıynsha Qazaqstan kósh bastap tur.
Ádilqazylar jas talant Sherhan Arystannyń ónerine joǵary baǵa berdi. Jalpy bizdiń ónerpazdar 20 jyldan beri bul baıqaýǵa úzdiksiz qatysyp keledi. Jáne de júldesiz qaıtqan kezi joq. Bıyl da otandastarymyzdyń baǵy basym bolatynyna senim mol.