Qazaqstannyń ekinshi, álemniń 138-raketkasy Tımofeı Skatov Braýnshveıg (Germanıa) chellendjer týrnıriniń ekinshi aınalymyna shyqty.
Qazaqstandyq tenısshi bastapqy kezdesýin dúnıejúzilik reıtıńte 513-orynda turǵan fransıalyq Konstantın Bıttýn-Kýzmınmen ótkizdi, dep habarlaıdy Almaty-akshamy.kz QazAqparatqa silteme jasap.
T.Skatov 6:3, 6:1 esebimen ońaı jeńiske qol jetkizdi.
Bir saǵattan astam ýaqytqa sozylǵan báseke barysynda ol 3 eıs jasap, 5 breık-poınttyń tórteýin paıdalandy.
Tımofeı Skatov shırek fınalǵa shyǵý úshin reıtıńte 266-satydaǵy lıvandyq Bendjamın Hassanmen talasady.
Taǵy bir qazaqstandyq Denıs Evseev osy dodada brazılıalyq Tágo Ýaıldqa jol berdi – 6:4, 4:6, 1:6.
T.Skatov budan bir apta buryn Karlsrýedegi osyndaı jarystyń jartylaı fınalyna deıin jetken edi.