Almaty: qalanyń egde jastaǵy adamdarynyń «qartaıdym» degen sózdi múldem umytqan.
24 qazanda Almatyda Belsendi uzaq ómir súrý ortalyǵyna kelýshiler arasynda skandınavıalyq júris boıynsha qalalyq festıvali ótedi. Egde jastaǵy adamnyń aılyǵyna arnalǵan festıválge daıyndyq muqıat júrgizilýde, dep habarlaıdy almaty-akshamy.kz.
Mysaly, Áýezov aýdanynyń zeınetkerleri Saıran kóliniń jaǵasynan 5 km júrip ótti. İs-sharany aýdan ákimdigi «Belsendi uzaq ómir súrý» ortalyǵymen birlesip uıymdastyrdy. Osy ortalyqta 5 jyl sabaq bergen jattyqtyrýshy Ksenıa Shklárdyń basshylyǵymen barlyǵy 60 qart adam qatysty. Marafonǵa eń qart qatysýshysy – aýdannyń 86 jastaǵy turǵyny.
Áýezov aýdanynda eki «Belsendi uzaq ómir súrý ortalyqtary» jumys isteıdi, bularǵa kún saıyn 135 adam keledi. Osylaısha, atalǵan ortalyqtar aýdannyń 2990 zeınetkerin qamtıdy.
«Belsendi uzaq ómir súrý» ortalyqtaryn Almaty qalasynyń jumyspen qamtý jáne áleýmettik baǵdarlamalar basqarmasy qurdy jáne bilim berý, psıhologıalyq, medısınalyq-áleýmettik jáne demalys baǵdarlamalaryn qosa alǵanda, ortalyq qart adamdarǵa arnalǵan is-sharalar keshenin de usynady. Bul ortalyqtardyń mańyzdy maqsaty-ózine-ózi qyzmet kórsetý jáne ózdiginen qozǵalý qabiletin saqtaıtyn qarttardyń belsendi ómir saltyn saqtaý.
