Elimizde osyndaı ataýmen respýblıkalyq aksıa bastaldy.
Qazir elimizde 3 myńǵa jýyq ýchaskelik polısıa pýnkti bar, dep habarlaıdy Almaty-akshamy.kz Polisia.kz málimetine silteme jasap.
Óz isine jaýapty, muqıat, adaldyq – ýchaskelik polısıa ınspektorynyń standarty. Ol quqyq qorǵaý organdarynyń arasyndaǵy adamǵa eń jaqyn ókil. Ýchaskelik polıseıler halyqpen kúndelikti tikeleı baılanysta, azamattarǵa birinshi bolyp kómekke kelip, problemalaryn zertteıdi, sheshý joldaryn tabady. Olar qylmystyń jolyn kesip, azamattardyń ómir súrý sapasyn jaqsartyp, olardyń tynyshtyǵyn saqtaıdy.
İİM halyqqa jaqynyraq bolý úshin “Sizdiń ýchaskelik polıseı!” atty respýblıkalyq aksıasyn bastady. Vedomstvoda atap ótkendeı, aksıanyń maqsaty – árbir turǵynǵa jetý jáne belgili bir aýmaqta quqyqtyq tártipti nyǵaıtý, polısıa jumysy týraly aqparat alý, sondaı-aq qyzmet kórsetiletin ákimshilik ýchaske boıynsha aqparatty tolyq ıelený.
Shara barysynda ýchaskelik polısıa ınspektorlary vızıt kartochkalaryn tarata otyryp, páterlerdi aralaıdy, sondaı-aq otbasylyq-turmystyq qatynastar salasyndaǵy quqyq buzýshylyqtardy anyqtap, usaq buzaqylyq jasaý, spırttik ishimdikter ishý jáne qoǵamdyq oryndarda mas kúıinde júrgenderdi anyqtaý jáne jolyn kesý boıynsha jumys júrgizedi.
Sonymen qatar ýchaskelik polıseıler turǵyndar qurǵan áleýmettik jelilerdegi chattarynda belsendi baılanys ornatyp, onda aqparat pen shuǵyl habarlamalarmen almasady. İİO qyzmetin jetildirýdiń basym baǵyttarynyń biri – azamattarmen tyǵyz senimdi qarym-qatynas ornatý jáne ákimshilik ýchaskelerdegi quqyq buzýshylyqtardyń aldyn alý jumystaryn jandandyrý.
Sondaı-aq, jergilikti atqarýshy organdar men basqa da uıymdar ókilderiniń qatysýymen turǵyndarmen kezdesýler ótkizý, ýchaskelik polısıa pýnktterinde azamattardy qabyldaý josparlanýda.
Aksıa barysynda “Úzdik ýchaskelik polısıa ınspektory” ataǵyna konkýrs ótedi. Ol úsh kezeńde ótkiziledi. Basty maqsat – kásibı jáne iskerlik qasıetterge, sondaı-aq osy laýazymǵa belgilengen biliktilik talaptaryna sáıkes keletin eń quzyretti ýchaskelik polısıa ınspektoryn anyqtaý. Aıta ketý kerek, búginde elimizde 3 myńǵa jýyq ýchaskelik polısıa pýnkti bar. 7 myńnan astam ýchaskelik polıseı qyzmet atqarady, onyń 3,9 myńy – qalalarda, 3,4 myńy – aýyldarda. Ýchaskelik ýchaskelerge barlyǵy 6 myń ákimshilik ýchaske bekitildi. Atalǵan respýblıkalyq aksıa qarasha aıynyń sońyna deıin jalǵasady.