Sırıalyq kóterilisshiler Asad bıligi qulaǵannan keıin alǵash ret ǵıbadathanada bas qosyp, duǵalaryn jasady, dep habarlaıdy aaqshamnews.kz.
24.kz habarlaýynsha, munan soń urandatyp, jalaýlatyp, jańadan qurylǵan úkimettiń ánuranyn shyrqady. Jańa ákimshiliktiń birinshi mınıstri Mohamed ál-Bashır jınalǵan jurt aldynda sóz sóılep, halyqty aýyzbirshilikke shaqyrdy. Sondaı-aq Sırıa tarıhynda jańa kezeńniń bastalǵanyn aıtyp, halyqty kemel keleshek kútip turǵanyn baıandady.
Al keı turǵyndar eldiń soltústik-batysyndaǵy Asadqa tıesili Brýdj-Islam kýrorttyq jerine arnaıy bardy. Nysandy búldirip, kúl-talqanyn shyǵarǵan. Yzaǵa býlyqqan halyq Bashar Asadtyń jıǵan-tergen barlyq mal-múlkin joıyp-qurtýda. Aıta keteıik, úkimet aýysqannan keıin qarýly top alǵash ret Asad bıligi jarty ǵasyr buryn salǵan nysandardy kózben kórip, basyp kirdi.
Bassel Sýfı, jergilikti turǵyn: - Óz kózime ózim sene alar emespin. Olar biz ómirimizde kórmegen, Sırıanyń tarıhynda bolmaǵan ǵajap ǵımarattar salyp tastaǵan. Sırıa kósheleri kózben kórgisiz, túk ádemi emes. Al bular qajeti úshin qoldan kelgenin jasapty.