Sınoptıkter Qazaqstannyń 11 óńirinde eskertý jarıalandy

Sınoptıkter Qazaqstannyń 11 óńirinde eskertý jarıalandy Sýret: Omsk.sib.fm

Keı óńirlerde 42 gradýs aptap ystyq bolady dep boljanýda.


Sınoptıkter aldaǵy eki kúnde birqatar oblysta kún ystyq bolatynyn aıtty, dep habarlady Almaty-akshamy.kz. 


23-24 maýsymda Aqtóbe oblysynyń ońtústiginde 40-41 gradýs ystyq bolsa, Qaraǵandynyń soltústiginde, ońtústik-shyǵysynda naızaǵaı oınaıdy. Soltústik-batystan, soltústikten jel soǵady, oblystyń soltústiginde, ońtústik-shyǵysynda ekpini 15-20 m/s-ǵa jetedi.


Jezqazǵan qalasynda kúndiz 23-25 maýsymda 35-37 gradýs, al Atyraýdyń shyǵysynda aptap ystyq 41 gradýsqa deıin kóteriledi. Oblystyń shyǵysynda tótenshe órt qaýpi kútiledi. Sondaı-aq qalanyń soltústiginde, shyǵysynda jáne ortalyǵynda ekpini – 15-20 m/s jel soǵady.


Al Túrkistan oblysynyń taýly aýdandarynda naızaǵaı oınap, daýyl soǵady. Ońtústik-shyǵystan jel soǵady, taýly aýdandarda jeldiń ekpini 15-20 m/s-qa jetedi. 23 maýsymda kúndiz Qyzylorda oblysynda 42 gradýs aptap ystyq bolady dep boljanýda. Oblystyń basym bóliginde tótenshe órt qaýpi saqtalady. Bul kúni sondaı-aq Almaty oblysynyń ońtústiginde jáne taýly aýdandarynda naızaǵaı oınaıdy, kúndiz oblystyń batysyn shańdy daýyl basady. Ońtústik-batystan jel soǵady, kúndiz oblystyń batysynda jáne shyǵysynda – 15-20 m/s, ekpini – 25 m/s.


Taldyqorǵan men Qonaev qalalarynda kúndiz 36 gradýs qatty ystyq saqtalady. Mańǵystaý oblysynyń soltústigin, batysyn, ortalyǵyn shańdy daýyl basady. Soltústik-batystan jel soǵady, oblystyń soltústiginde, batysynda, ortalyǵynda – 15-20, ekpini – 25 m/s. Kúndiz oblystyń basym bóliginde 40 gradýs aptap ystyq kútiledi.


23 maýsym kúni Aqtaý qalasyn shańdy daýyl basady. Soltústik-batystan ekpini 15-20 m/s-qa jetetin jel soǵady. Al Shyǵys Qazaqstan oblysynyń ońtústiginde, ońtústik-shyǵysynda 36 gradýs qatty ystyq kútiledi. Oblystyń batysynda tótenshe órt qaýpi saqtalady.


Naızaǵaı men daýyl Qostanaı oblysynda da kútiledi. Jel ońtústik-batystan soǵady, naızaǵaı kezinde ekpini 15-20 m/s-qa deıin jetedi. Kúndiz oblystyń ońtústiginde 39 gradýsqa deıin qatty ystyq bolady. 23 maýsym kúni túnde Pavlodar oblysynyń soltústiginde, kúndiz oblystyń basym bóliginde ekpini 15-20 m/s jel soǵady.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

16:19

16:08

15:08

13:41

13:00

10:56

10:13

09:56

09:24

19:54

18:29

16:55

15:07

14:14

13:34

13:27

12:38

11:20

10:15

09:55

09:05

19:42

19:19

18:33

18:31