Cenbige arnalǵan aýa raıy boljamy.
Qazgıdromettiń boljamy boıynsha, Astanada 15 shildede naızaǵaı oınap, tústen keıin burshaq jaýady. Ońtústik-batystan, batystan soǵatyn jeldiń ekpini tańerteń jáne kúndiz 15-20 m/s bolady. Tótenshe órt qaýpi saqtalady.
Almatyda 15 jáne 17 shildede 35 gradýs ystyq saqtalady. Órt qaýpi bar.
Abaı oblysynyń soltústiginde, túnde shyǵysynda, kúndiz soltústiginde, shyǵysynda jáne ońtústiginde naızaǵaı jarqyldaýy múmkin. Kúndiz oblystyń soltústiginde, shyǵysynda, ońtústiginde burshaq jaýyp, shańdy daýyl soǵady. Kúndiz oblystyń basym bóliginde 35-38 gradýs qatty ystyq saqtalady. Órt qaýpi bar.
Kúndiz Aqmola oblysynyń soltústiginde, shyǵysynda qatty jańbyr jaýady. Túnde oblystyń soltústiginde jáne shyǵysynda, kúndiz oblystyń basym bóliginde naızaǵaı oınaýy múmkin. Kúndiz oblystyń soltústigi men shyǵysynda burqasyn, burshaq jaýýy múmkin. Órt qaýpi saqtalady.
Kúndiz batysta, soltústikte, Aqtóbe oblysynyń ortalyǵynda naızaǵaı oınaıdy. Jel batystan, kúndiz ońtústik-batystan soǵady, ekpini – 15-20 m/s. 15 shildede oblystyń ońtústiginde, ońtústik-shyǵysynda tótenshe órt qaýpi saqtalady.
15-17 shildede Almaty oblysynyń basym bóliginde 35-38 gradýsqa deıin qatty ystyq saqtalady. Aýdannyń basym bóliginde tótenshe órt qaýpi bar.
Atyraý oblysynyń soltústiginde, batysynda, ońtústiginde naızaǵaı oınap, kóktaıǵaq bolýy múmkin. Oblystyń soltústiginde, batysynda, ońtústiginde ońtústik-batystan jel soǵady, ekpini – 23 m/s. Órt qaýpi saqtalady.
Shyǵys Qazaqstan oblysynyń basym bóliginde naızaǵaı jarqyldaýy múmkin. Kúndiz oblystyń soltústiginde, shyǵysynda burshaq jaýyp, oblystyń ońtústiginde shańdy daýyl soǵady. Ońtústik-shyǵystan soǵatyn jel oblystyń soltústiginde, shyǵysynda, ońtústiginde ońtústik-batysqa aýysady, ekpini - 15-20 m/s, kúndiz ekpini – 25 m/s. Kúndiz oblystyń basym bóliginde 35-39 gradýs qatty ystyq kútiledi. Órt qaýpi saqtalady.
Jetisý oblysynda batystan jel soǵady, ekpini – 28 m/c. 15-17 shildede kúndiz oblystyń basym bóliginde 35-39 gradýsqa deıin qatty ystyq saqtalady. Órt qaýpi bar.
Batys Qazaqstan oblysynyń basym bóliginde naızaǵaı oınaýy múmkin. Kúndiz oblystyń batysynda, soltústiginde burshaq jaýady. Ońtústikten jel soǵady, ekpini – 15-20 m/s.
Qaraǵandy oblysynyń soltústiginde túnde naızaǵaı oınaýy múmkin. 15 shildede oblystyń basym bóliginde tótenshe órt qaýpi saqtalady.
Qostanaı oblysynyń soltústiginde, shyǵysynda qatty jańbyr jaýady. Aımaqtyń basym bóliginde naızaǵaı oınaıdy. Kúndiz oblystyń ońtústiginde, shyǵysynda, batysynda burshaq jaýady. Batystan, ońtústik-batystan 15-20 m/s jel soǵady, kúndiz oblystyń batysynda, shyǵysynda ekpini 25 m/s bolady. 15 shildede oblystyń ońtústiginde tótenshe órt qaýpi saqtalady.
Qyzylorda oblysyn yń soltústiginde 15-20 m/s jel soǵady. 15-17 shildede tótenshe órt qaýpi bar.
Mańǵystaý oblysynyń soltústik-batysynda túnde jáne tańerteń tuman túsýi yqtımal. Kúndiz oblystyń ońtústiginde 38 gradýsqa deıin qatty ystyq bolady. Órt qaýpi saqtalady.
Pavlodar oblysynyń batysynda, soltústiginde, shyǵysynda kúndiz naızaǵaı oınap, burshaq jaýýy múmkin. Órt qaýpi saqtalady.
Soltústik Qazaqstan oblysynyń basym bóliginde jańbyr jaýady. Oblystyń soltústiginde, batysynda, ońtústiginde kúndiz naızaǵaı oınap, burshaq jaýýy múmkin. Túnde oblystyń soltústiginde, batysynda, ońtústiginde ońtústik-batystan jel soǵady, ekpini – 15-20 m/s.
Ulytaý oblysynyń ortalyǵynda batystan soǵatyn jeldiń ekpini 15-20 m/s bolýy múmkin. 15 shildede oblystyń basym bóliginde tótenshe órt qaýpi saqtalady.