«Qazgıdromet» RMK 28-30 qyrkúıek aralyǵyndaǵy aýa raıy boljamyn jasady, dep habarlaıdy Almaty-akshamy.kz.
Aldaǵy kúnderi respýblıkanyń basym bóliginde kún raıy qubylmaly bolmaq. Jańbyr, naızaǵaı, ekpindi jel turady dep kútiledi.
Tek Qazaqstannyń batysynda soltústik-batys antısıklonynyń áserinen jaýyn-shashynsyz kún raıy áli de saqtalady.
Túnde jáne tańerteń eldiń soltústik jartysynda, respýblıkanyń ońtústik jáne ońtústik-shyǵysyndaǵy taýly aýdandarda tuman túsedi.
Elimizdiń shyǵysynda 28-29 qyrkúıekte túngi ýaqytta 1-3 gradýsqa deıin úsik saqtalady.
Temperatýralyq fonda eleýli ózgerister kútilmeıdi, tek respýblıkanyń ońtústiginde, ońtústik-shyǵysynda aýa temperatýrasy kúndiz 17-23 gradýs, taýly aýdandarda 8-13 gradýs shamasynda bolmaq.