2024 jyldyń sáýir aıynda Almatyda Cambridge International kompanıasynyń matematıka jáne naqty ǵylymdar boıynsha jalǵyz azıalyq seriktes kompanıasy – Marshall Cavendish-pen birlesken bilim berý baǵdarlamasyn iske asyrý bastalady. Bul týraly Memleket basshysynyń aldynda baıandama jasaǵan Almaty ákimi Erbolat Dosaev aıtty.
Jańa bilim berý ádisterin engizý, sonyń ishinde Sıngapýr – Marshall Cavendish – PISA kórsetkishterin jaqsartý úshin qajet. Bul halyqaralyq testileý ártúrli elderdegi oqýshylardyń fýnksıonaldyq saýatyn jáne teorıalyq bilimdi tájirıbede qoldana bilýin baǵalaýǵa múmkindik beredi.
«Bıyl mamyr-jeltoqsan aılary aralyǵynda EYDU (ekonomıkalyq yntymaqtastyq pen damý uıymy) standarttaryn qoldana otyryp, 50 PISA jattyqtyrýshysy oqytylady. Qyrkúıek aıynda 14 PISA quzyrettilik ortalyqtarynda tabysty mektep modeli – School Excellence Model engiziledi. Aldaǵy oqý jylynyń basynda qalanyń barlyq memlekettik mektebinde PISA Artificial Intelligence platformasy engiziledi», - dedi Erbolat Dosaev.
Onyń aıtýynsha, usynylǵan sharalar testileý nátıjesi boıynsha oqýshylardyń kórsetkishin jaqsartýǵa múmkindik beredi.
Aıta keteıik, PISA-2022 halyqaralyq zertteýiniń qorytyndysy boıynsha almatylyq oqýshylar Qazaqstan boıynsha birinshi oryndy ıelendi.