Semeı qalasynyń ákimi bolyp Talǵat Muratov taǵaıyndaldy. Ol buǵan deıin Besqaraǵaı aýdanynyń ákimi qyzmetin atqarǵan. Buryn bul qyzmetti Nurbol Nursaǵatov atqarǵan, dep habarlaıdy aqshamnews.kz
Ákim aýystyrý sheshimi qalalyq shyrshany bezendirý kezinde oryn alǵan daý-damaıdan keıin qabyldandy. Bezendirý jumystaryna muǵalimder qatystyrylyp, olardyń biri jaraqat alǵan. Bul jaǵdaı qoǵamda úlken rezonans týdyrdy. Oqý-aǵartý mınıstri Asqat Aımaǵambetov bul oqıǵaǵa pikir bildirip, muǵalimderdi óz mindetine jatpaıtyn jumystarǵa tartýǵa qatań tyıym salynǵanyn eske saldy. Mınıstr mundaı áreketter bilim berý salasynyń qyzmetkerleriniń quqyqtaryn buzatynyn atap ótti.