Almatydaǵy haıýanattar baǵy turǵyndarǵa Jańa jyldyq merekeden keıin qalǵan shyrshalardy qoqysqa tastamaýdy ótinedi.
Olar kópshilikten jasyl jelekti zoobaqqa ótkizýlerin surap otyr, dep habarlaıdy Almaty-akshamy.kz.
Óıtkeni tabıǵı shyrshalardy buǵy, túıe men eshkiler súısinip jese, ózge jan-janýarlar úshin tabıǵı ortany seziný úshin mańyzdy. Ázirge bir aptada birneshe otbasy shyrshalardy ákelip ótkizgen eken. Zoobaq qyzmetkerleri qalalyqtardyń eski jańa jyldan keıin shyrshalardy kóptep ótkizetinin kútip otyr.
«Bul árıne birinshi jyl emes, 3-4 jyl buryn bastalǵan sondaı is-sharalarymyz. Tek qana shyrsha emes, kúzde emen jańǵaǵyn da qabyldaıtyn, sondaı is sharalarymyz bar. Qala turǵyndarynan jáne bizge kelip jatqan qonaqtardan suraımyz. Sony qoqystarǵa tastamaı, bizdiń baqqa ákelip, bizdiń maldarymyzǵa sonymen oınatýǵa, solardyń aromat ıisterin sezýge tabıǵı jaǵdaıǵa keltirýge bizge ákep tastasa eken degen suranysymyz bar», - deıdi «Almaty haıýanattar baǵy» tuıaqtylar bóliminiń meńgerýshisi Balabek Maqatov.