Shymkent qalasyndaǵy jarylys kezinde perınataldyq ortalyqta bir náreste shetinep ketti, dep habarlaıdy Almaty-akshamy.kz Almaty.tv-ge silteme jasap.
Oblystyq densaýlyq saqtaý basqarmasy usynǵan málimetke sáıkes, Shymkenttegi oblystyq 1 perınataldyq ortalyq jarylǵan jeke menshik dárihananyń dál janynda ornalasqan.
«Jarylys kezinde ortalyqta 189 pasıent jáne 65 qyzmetker bolǵan. Oqıǵa saldarynan perınataldyq ortalyqtyń 1 qyzmetkeri qaza taýyp, 1 náreste shetinedi. Balanyń týǵanyna 18 táýlik, salmaǵy 790 gram bolǵan. Budan bólek, 8 adam jaraqat aldy», - deıdi basqarma mamandary.
Zardap shekken adamdardy Túrkistan oblystyq klınıkalyq aýrýhanaǵa, Shymkent qalalyq klınıkalyq aýrýhanasyna, 2 qalalyq aýrýhanaǵa jetkizdi.
Aıta keteıik, jarylys bolǵan ǵımarat «Mejbolnıchnaıa 138 apteka»JSHS-ine tıesili. Ǵımarattyń perınataldyq ortalyqqa qatysy joq.