Jarylys qurylys jumysy kezinde bolǵan
Shymkentte toǵyz qabatty úıde jarylys bolyp, jumysshy jaraqat aldy, dep habarlaıdy Almaty-akshamy.kz.
Qalalyq TJD baspasóz qyzmetiniń málimetinshe, jarylys kúndizgi saǵat 16:27-de Jeltoqsan kóshesindegi kóp qabatty úıde bolǵan. Oqıǵa ornyna jetken órt sóndirýshiler jarylystyń 1-qabattaǵy dúkenniń ishinde qurylys jumysy kezinde bolǵanyn anyqtaǵan. Gaz aýa qospasynyń jarylysy saldarynan 10 sharshy metr aýmaqta plasıkalyq qubyr janǵan.
Tótenshe oqıǵa kezinde 11 órt sóndirýshi men 2 tehnıka, Apattar medısınasy ortalyǵy fılıalynyń 1 brıgadasy jumyldyryldy.
«Jarylys saldarynan 2002 jyly týǵan er adam jaraqat alyp, aýrýhanaǵa jatqyzyldy. Órt saǵat 17:02-de oqshaýlanyp, saǵat 17:18-de tolyǵymen sóndirildi. Órttiń shyǵý sebebi anyqtalýda», - delingen habarlamada.