Búgin Túrkistan oblysy Shymkent qalasy ákimshiliginde ótken aparattyq jıyn óte erekshe ótti. Oǵan turǵyn úı basqarmasy basshysynyń mindetin atqarýshysynyń jumysy sebep bolǵan.
Dál osy jıyn barysynda basqarma bastyǵyn Antıkor qyzmetkerleri qolyna kisen salyp alyp ketti, dep habarlaıdy almaty-akshamy.kz.
Sonymen jıynnyń shyrqyn ketirgen Momynov Azat 1982 jyly Ońtústik Qazaqstan oblysy Túlkibas aýdanynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetinde oqyǵan. Eńbek jolyn Ońtústik Qazaqstan oblysynda bas maman bolyp bastaǵan. Odan keıin oblys ákimi apparatynyń qarjy bóliminiń bas mamany, ishki baqylaý bóliminiń revızory, memlekettik satyp alý basqarmasynyń basshysy, memlekettik kirister basqarmasynyń basshysy, memlekettik basqarmalardyń basshysy qyzmetterin atqardy. Tólebı aýdandyq muraǵat jáne daıyndaý, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi bastyǵynyń orynbasary qyzmetin atqardy.
2022 jyldyń sáýir aıynan – bólim basshysy, 2022 jyldyń qazan aıynan – Shymkent qalasynyń turǵyn úı-kommýnaldyq sharýashylyq bólimi basshysynyń orynbasary bolǵan.
Eske sala ketsek, buǵan deıinde oblysta birneshe memlekettik qyzmetkerler antıkor qyzmetkerleriniń nazaryna iligip, túrli jazalar alǵan bolatyn. Sonymen, Shymkent qalalyq jolaýshylar kóligi jáne avtomobıl joldary basqarmasynyń eks-basshysy Muhtar Qoqanbaev megapolıstiń áleýmettik mańyzdy baǵyttarynda jolaýshylar tasymalyn sýbsıdıalaýǵa járdemdeskeni úshin JSHS ókilinen 13 mıllıon teńge alý kezinde Sybaılas jemqorlyqqa qarsy qyzmet ustaǵan. Shymkent qalasy sotynyń qylmystyq ister jónindegi sot alqasy ony 3,5 jyl merzimge bas bostandyǵynan aıyrdy.
Sondaı-aq, Shymkent qalasy ákiminiń orynbasary Maqsut Isahov Ulttyq qaýipsizdik komıtetin 200 myń dollarǵa satyp almaq bolǵan. Al Antıkordyń nazary ilikken Shymkent qalalyq jumyspen qamtý ortalyǵynyń basshysy Áset Shaǵadatqa qatysty is tergeý ústinde. Ázirshe ol qamaýǵa alynǵan.