Buǵan deıin jasóspirim 3 ret úıinen ketip qalyp, polıseıler ony anasyna qaıta tapsyrǵan.
Shymkentte Krımınaldyq polısıa basqarmasynyń qyzmetkerleri joǵalyp ketken Aneldi izdep tapty, dep habarlaıdy Almaty-akshamy.kz Polisia.kz-ke silteme jasap.
Esterińizge sala keteıik, 30 jeltoqsanda Abaı APB-ǵa jergilikti turǵyn kámelettik jasqa tolmaǵan qyzy joǵalǵany týraly shaǵymdanǵan bolatyn. Belgili bolǵandaı, qyz týystarymen janjaldasyp, úıinen shyǵyp ketken.
Buǵan deıin jasóspirim úsh ret úıinen ketip qalyp, polıseıler ony anasyna qaıta tapsyrǵan.
Shymkent qalasy PD-nyń jedel ýákilderi, ýchaskelik ınspektorlar men eriktiler joǵalǵan qyzdy jeti kún boıy toqtaýsyz izdedi. Balany izdeý jumystary polısıa departamenti basshylyǵynyń jeke baqylaýynda boldy.
İzdestirý jumystarynyń nátıjesinde jedel ýákilder jasópirimdi temirjol vokzalynan tapty.
Anyqtalǵandaı, Anel bul kúnderi beıtanys adamdardyń úıinde jasyrynǵan. Óz betinshe jumysqa ornalasýǵa tyrysqan. Kámeletke tolmaǵan qyzdyń aıtýy boıynsha, úıden qashýǵa onyń anasynyń jıi uryp-soǵýy sebep bolǵan. Jasóspirim úıge barýdan túbegeıli bas tartyp otyr.
Qazirgi tańda ákimdik, bilim basqarmasy jáne polısıa qyzmetkerleri tarapynan arnaıy komısıa quryldy. Olar anasyn ata-ana quqyǵynan aıyrý týraly qujattardy jınaıdy. Bul ýaqyt aralyǵynda qyz Kámeletke tolmaǵandardy beıimdeý jáne ońaltý ortalyǵyna ornalastyrylady.