Qashyp ketken eki jasóspirim qyz izdestirilip jatyr.
Shymkenttegi №3 Balalar úıiniń eki tárbıelenýshisi joǵalyp ketti, dep habarlaıdy Almaty-akshamy.kz QazAqparatqa silteme jasap.
Polısıa qalada joǵalyp ketken eki balalar úıiniń tárbıelenýshisi Vıola Sýrvılova men Anastasıa Kosánenkonyń izdestirilip jatqanyn naqtylady. Eki qyz 14, 15 jasta. Olar 16 aqpan kúni keshke qaraı Barhatnaıa kóshesindegi balalar úıinen shyǵyp ketip, qaıta oralmaǵan.
Anastasıanyń shashy ashyq tústi, qońyr kózdi, boıy shamamen 165-170 sm. Kók jeıde, qara shalbar kıgen, aıaǵynda ashyq jasyl tústi krosovka bolǵan.
Vıolanyń shashy qara, qońyr kózdi. Kletkaly qyzyl kúreń jeıde, qara shalbar, aq krosovka kıgen.
«İzdeý jumystaryna eriktiler de qosyldy. Fotosýretteri áleýmettik jelilerge taratyldy. Jasóspirim qyzdardy kórgender nemese olardyń qaıda ekenin biletin adamdar 102 nomerine nemese 8777 679 18 24 mobıldi telefon nomerine habarlasýyna bolady» delingen habarlamada.
