QMA Shymkent qalasy boıynsha departamenti "Aıala Gold" qarjy pıramıdasynyń qyzmetin toqtatty, - dep habarlaıdy Aqshamnews.kz.
Qarjy pıramıdasy zergerlik buıymdar satatyn kompanıa retinde kóringen. Alaıda kúdiktiler azamattarǵa aı saıyn 50–60% kóleminde kepildendirilgen tabys ýáde etip, ınvestısıa salýdy usynǵan. Sonymen qatar, salynǵan qarajat saqtalatynyna sendirgen. Alaıda tólemder naqty paıda esebinen emes, jańa qatysýshylardan túsken qarajat esebinen berilgen.
Nátıjesinde 400-den asa salymshy tartylyp, olar 1 mıllıard teńgeden asa qarajat salǵan. Kúdiktiler qylmystyq jolmen alynǵan tabysqa boı kóterip jatqan turǵyn úı kesheninen eki páter satyp alǵan. Sot sanksıasymen bul páterlerge tyıym salyndy.
Budan bólek kúdiktiler óz týystaryn osy sqemaǵa tartyp, olardy "dropper" retinde paıdalanǵan. Iaǵnı basqa salymshylardan túsken qarajatty olardyń bank rekvızıtteri arqyly qolma-qol aqshaǵa aınaldyrǵan.
Qarjy pıramıdasynyń uıymdastyrýshysy eki aı merzimge qamaýǵa alyndy.