Túrkistan oblysy PD esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalary barysynda, asa iri mólsherdegi esirtkini zańsyz tasymaldaý faktisiniń jolyn kesti.
Naqtyraq aıtsaq, polısıa qyzmetkerleri Batys Qytaı – Batys Eýropa trassasynyń 601-shaqyrymynda Ford Focus avtokóligin toqtatty. Jedel ýákilder kóliktiń júk salǵyshynan jolaýshyǵa tıesili ishinde esirtkige uqsas zaty bar 5 qapty taýyp, tárkiledi.
Alynǵan zattar saraptamaǵa jiberildi. Onyń qorytyndysyna sáıkes tárkilengen zat salmaǵy 80 kelige jýyq marıhýana esirtkisi ekeni anyqtaldy. Kúdikti buryn esirtki saqtaǵany úshin sottalǵan Shymkent qalasynyń turǵyny bolyp shyqty.
Qazirgi ýaqytta osy fakti boıynsha qylmystyq is qozǵaldy. Kúdikti qamaýǵa alyndy. Tergeý júrgizilip, barlyq jaǵdaılar anyqtalyp jatyr.