Astanada er adam tanysynyń aqshasyn onlaın kazınoǵa salyp jibergen, – dep habarlaıdy Polisia.kz.
Polısıaǵa 59 jastaǵy jergilikti turǵyn aryz berip, tanysynyń alaıaqtyq jolmen 4 mıllıon teńgeden astam qarjysyn jymqyrǵanyn aıtqan. Jábirlenýshiniń aıtýynsha, ol beıtanys er adammen tanysyp, ekeýi alkogóldik ishimdik iship otyrǵan kezde ol aldap, telefonyn alyp ketken.
Sodan keıin kúdikti onlaın kazıno esepshotyna jábirlenýshiniń depozıtinen 2,3 mln teńgege jýyq aqsha aýdaryp jibergen. Buǵan qosa, ol taǵy da birneshe kúnniń ishinde qarajatty ıemdenip, banktiń mobıldi qosymshasyn paıdalana otyryp, taýarlyq nesıe rásimdep, jalpy somasy 2 mıllıon teńgege jýyq zalal keltirgen.
Jedel-izdestirý sharalary barysynda Almaty aýdandyq polısıa qyzmetkerleri aqsha jymqyrýmen aınalysty degen kúdikpen 33 jastaǵy Shymkent qalasynyń turǵynyn anyqtaǵan.
Qylmysty jasaǵanyn moıyndaǵan er adamnyń buryn elordada jasalǵan basqa da qylmysqa qatysy bar-joǵy anyqtalyp jatyr.