Búginnen bastap 3 qarashaǵa deıin «Kombı-1» jáne «Kombı-2» aspaly joldary profılaktıkalyq jumystarǵa baılanysty jumysyn toqtatady, dep habarlady kýrorttyń baspasóz qyzmeti.
21 qazannan 3 qarashaǵa deıin Medeý — Shymbulaq jáne KKD-4 aspaly joldary da jabylady. Osy kezeńde Shymbulaqqa tek ekoavtobýstarmen, taksımen nemese elektromobıldermen barýǵa bolady.
«Medeý — Shymbulaq avtojoly 9:00-den 13:00-ge deıin jáne 14:00-ten 18:00-ge deıin kólikterge jabyq bolady. Kólikpen júrý tek 9:00-ge deıin, túski úzilis kezinde (13:00-ten 14:00-ke deıin) jáne 18:00-den keıin múmkin bolady».
Jaıaý júrginshiler úshin shekteýler engizilmegen. Degenmen, jóndeý jumystaryna baılanysty joldyń qoljetimsiz bolýy múmkin ekenin eskerý qajet.