Mamandar órttiń shyǵý sebepterin anyqtaýda.
Almatydaǵy «Shymbulaq» taý-shańǵy kýrortynda órt shyqty, dep habarlaıdy Almaty-akshamy.kz Tótenshe jaǵdaılar mınıstrliginiń baspasóz qyzmetine silteme jasap.
Búgin, 29 qańtarda, tańǵy saǵat 05:30 da Shymbulaq taý shańǵysy kýrortynyń aýmaǵynda órt shyqty.
Úsh qabatty «Oblaka» restobarynda 800 sharshy metr aýmaqty jalyn sharpydy. Arnaıy órt sóndirý tehnıkasy kiretin joldardyń bolmaýyna baılanysty órt sóndirý ishki krandar arqyly júrgizildi. Saǵat 08:05-te órt oqshaýlandy, zardap shekkender joq», - dedi TJM resmı ókili Rýslan Imanqulov.