Úlken jáne Kishi Almaty sý alabynda qar kóshkini júrýi múmkin
Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy Almaty-akshamy.kz.
Almaty qalasy Tótenshe jaǵdaılar departamenti taratqan málimetke sáıkes, qar kóshkini qaýpine baılanysty qaýipsizdikti qamtamasyz etý maqsatynda qazirgi ýaqytta Úlken Almaty kóli men Shymbulaqqa baratyn joldar jabylyp, beketter qoıyldy.
30 qarasha kúni jylymyqtyn áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin.
Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.
«Eger qatty jaýyn-shashyn (qar, jańbyr) nemese qatty jel týraly daýyldy eskertý habarlansa, aýa raıy jaqsy bolǵansha bıik taýly aımaqtarǵa serýendi keıinge qaldyrǵan durys. Eger siz taýda bolsańyz, abaı bolý kerek jáne aýa raıynyń ózgerýin baqylap otyrý qajet. Taý betkeılerinde qardyń yǵysýyn, qardan túıirshikterdi baıqasańyz, onda taýǵa barmaǵanyńyz jón – bul qardyń turaqsyz kúıde ekenin, qar kóshkini bolýy múmkin ekenin kórsetedi», - dep habarlady vedomstvonyń baspasóz qyzmeti.