El aýzyndaǵy Shymbulaq atalyp júrgen taý-shańǵy ortalyǵynyń «Shyńbulaq» ekenin bilesiz be? Alataýdyń Talǵar asýynyń bókterindegi halyqaralyq keshen 1954 jyldan qysqy sportpen aınalysatyndardyń súıikti ornyna aınalǵan. Bul - Qazaqstandaǵy eń úlken týrısik ortalyq. Osy jerdi jergilikti jurt nelikten «Shyńbulaq» dep ataǵan?
Taýdan bastaý alatyn bulaqty «Shyńbulaq» dep ataǵan. Ejelgi tarıhtan syr shertetin bul jer tek keıingi júz jyldyń kóleminde ǵana sheteldikterdiń dybys úndestigine qaraı «Shymbulaq» atalyp ketken.
2025-2029 jyldarǵa arnalǵan Almaty taý klasterin damytý jónindegi Keshendi jospar aıasynda ınfraqurylymdy jaqsartý, týrısik marshrýttardy jańartý jáne qyzmet kórsetý sapasyn arttyrý boıynsha aýqymdy ózgerister josparlanǵan. Bul sharalar óńirdiń týrısik tartymdylyǵyn arttyrýmen qatar, jergilikti halyq úshin jańa múmkindikter ashyp, shaǵyn jáne orta bıznestiń damýyna serpin beredi.
«Shymbulaq» taý-shańǵy kýrortyna sońǵy úsh jyldaǵy kelýshiler statısıkasy
2024 jyly kýrortqa 1,5 mıllıon týrıs kelgen, olardyń sany jazǵy jáne qysqy maýsymda birdeı deýge bolady.
Sýret: Egemen.kz
2023 jylmen salystyrǵanda 13% ósim baıqaldy, al sońǵy úsh jyl ishinde kelýshiler sany 39%-ǵa artty.
Kýrorttaǵy kelýshiler sany maýsymǵa baılanysty:
• Adam kóp jınalǵan kúnderi: 8 000 – 12 000 adam (onyń ishinde jaıaý júrginshiler men shańǵyshylar).
• Maýsymaralyq demalys kúnderi: 5 000 – 6 000 adam.
• Kelýshiler az keletin maýsymda: 4 000 adam.
• Kýrorttyń ótkizý qabileti: kúnine - 6 000 adam.
Kýrortqa jazǵy jáne qysqy maýsymda birdeı kólemde týrıs keledi. Jyl saıyn kýrortta shańǵy men snoýbord tebetin 350 000 adam demalady.
Halyqaralyq jáne respýblıkalyq jarystar men is-sharalar:
Qysqy maýsymda Shymbulaqta sporttyq jáne mádenı is-sharalar ótedi:
• 4–11 qańtar – FIS jasóspirimder arasyndaǵy shańǵy akrobatıkasy men mogýldan Álem chempıonaty ótti.
• 19 qańtar – Halyqaralyq Snow Day balalarǵa arnalǵan tegin jarystar uıymdastyryldy.
• 28 aqpan – 2 naýryz – FIS frıstaıldan álem kýbogynyń kezeńderi ótedi.
• 13–18 naýryz – Shymbulak Freeride Week Qualifier, frıraıdtan halyqaralyq jarys.
• 1–7 sáýir – Gorilla Winter Jungle – sport pen mýzykany biriktiretin dástúrli festıvál.
«Shymbulaq» týraly 10 qyzyqty derek:
1. 2022-2023 maýsymynda kýrort Gınnestiń rekordtar kitabyna álemdegi eń bıik túngi shańǵy trassasy retinde endi (3200 m, Talǵar asýy).
2. Shymbulaqta jylyna 300 kún kún ashyq turady.
3. Gorilla Chimba Park – Ortalyq Azıadaǵy eń bıik snoýpark (3200 m).
4. Almaty qalasynyń ortalyǵynan «Shymbulaqqa» 1 saǵatta ǵana jetýge bolady.
5. Tenir – álemdegi eń bıik qonaqúılerdiń biri, ski-in formatynda jumys isteıdi.
6. Kýrort álemdik deńgeıdegi sportshylardy qabyldaıdy.
7. Bogdanovıch muzdyǵy, Aıaq jáne Tıl shyńdary jaıaý jetýge bolatyn jerde ornalasqan (4000 m).
8. 1995 jyldan beri shańǵy ınstrýktorlarynyń mektebi jumys isteıdi, 100-den astam sertıfıkattalǵan nusqaýshy bar.
9. Kýrorttyń qyzmetteri týraly arnaıy podkasttar serıasy túsirilgen.
10. Demalys orny halyqaralyq seriktestiktermen jumys isteıdi:
• Eýrazıalyq taý kýrorttary alánsynyń bastamashysy.
• MONA Yong Pyong (Ońtústik Koreıa), Roza Hýtor (Reseı), Shahdag (Ázirbaıjan) kýrorttarymen yntymaqtastyq.
• Túrki elderiniń taý kýrorttary odaǵyn qurýǵa atsalysty.
Infraqurylym jáne damý jospary
2024 jylǵy jańa múmkindikter:
• «Profesor» trassasyndaǵy kótergish – orta deńgeıli shańǵyshylarǵa arnalǵan.
• «Belyı Mıshka» trassasyndaǵy qar qarýlary – jasandy qarmen jabdyqtalyp, erterek ashylady.
• Le Mont meıramhana-qonaqúıi – 2850 m bıiktikte panoramalyq kórinistermen.
• Shymbulak Medeu Camp glempıngi – qysqy demalysqa arnalǵan erekshe oryn.
• Jańa dárethanalar – 3200 m, orta jáne «Medeý» bazalyq stansıasynda jańartyldy.
• Jaryqtandyrýdy jańartý – túngi shańǵy tebýge yńǵaıly etildi.
Shymbulaq – halyqaralyq deńgeıdegi sporttyq jáne týrısik ortalyq retinde damýyn jalǵastyryp keledi.